சிலாங்கூர், 04 ஆகஸ்ட் 2026 : சிலாங்கூர் பழங்குடியினர் (Orang Asli) கலாசார விழா 2026, ஆகஸ்ட் 9ஆம் தேதி கோலா குபு பாருவில் உள்ள மில்லேனியம் ஏரிப் பூங்காவில் (Taman Tasik Milenium) கோலாகலமாக நடைபெறவுள்ளது. காலை 6.30 மணி முதல் மாலை 6.00 மணி வரை நடைபெறும் இந்த விழாவில், பழங்குடியினர் சமூகத்தின் கலாசாரம், பாரம்பரியம் மற்றும் வாழ்க்கை முறையை பொதுமக்கள் நேரடியாக அறிந்து கொள்ளும் வகையில் பல்வேறு நிகழ்ச்சிகள் ஏற்பாடு செய்யப்பட்டுள்ளன.
விழாவின் முக்கிய அம்சங்களாக ‘பன் ரன்’ (Fun Run), பழங்குடியினர் கலைநிகழ்ச்சிகள், ஓவியப் போட்டி, பாடல் போட்டி, கயிறு இழுத்தல், கொங்காக், கல் விளையாட்டு, கலா நீள விளையாட்டு உள்ளிட்ட பாரம்பரிய விளையாட்டுப் போட்டிகள் இடம்பெறவுள்ளன. மேலும், பழங்குடியினர் சமூகத்தின் கைவினைப் பொருட்கள், பாரம்பரிய தயாரிப்புகள், செய்முறை விளக்கங்கள் மற்றும் விற்பனைக் கண்காட்சிகளும் நடத்தப்படவுள்ளன. அதோடு, அதிர்ஷ்டக் குலுக்கல் மூலம் பல்வேறு பரிசுகளும் வழங்கப்பட உள்ளன.
பழங்குடியினர் சமூகத்தின் தனித்துவமான பண்பாடு மற்றும் பாரம்பரியத்தை குடும்பத்துடன் அறிந்து கொள்ளும் அரிய வாய்ப்பாக இந்த விழா அமையும் என்பதால், பொதுமக்கள் திரளாகக் கலந்து கொண்டு நிகழ்ச்சியை சிறப்பிக்குமாறு ஏற்பாட்டாளர்கள் அழைப்பு விடுத்துள்ளனர்.
