09 ஜூலை 2026 : மலேசிய இந்து தர்ம மன்றத்தின் செகாமாட் வட்டார மையத்தின் ஏற்பாட்டில், தம்பினில் அமைந்துள்ள ஸ்ரீ சுந்தர விநாயகர் ஆலயத்தில் மண்டலாபிஷேக பூஜையை முன்னிட்டு சிறப்பு பஜனை நிகழ்ச்சி பக்தி பூர்வமாக நடைபெற்றது.
ரவீ புருஷோத்தமன் மற்றும் எஸ். சரவணன் ஆகியோரின் தலைமையில் நடைபெற்ற இந்த நிகழ்ச்சி, இரவு 8 மணி முதல் 9 மணி வரை நடைபெற்றது. நிகழ்வில் பக்தி பாடல்கள், இறை நாம சங்கீர்த்தனம் மற்றும் விநாயகப் பெருமானை போற்றும் பஜனைகள் இடம்பெற்று, ஆலய வளாகம் ஆன்மிக உணர்வால் நிறைந்தது.
பக்தர்கள் அனைவரும் ஒன்றிணைந்து இறைநாமங்களைப் பாடியதுடன், மண்டலாபிஷேகத்தின் ஆன்மிக முக்கியத்துவம் குறித்தும் எடுத்துரைக்கப்பட்டது. இத்தகைய நிகழ்வுகள், இளைய தலைமுறையினரிடம் சமயப் பாரம்பரியத்தையும் பக்தி மரபுகளையும் கொண்டு சேர்க்கும் சிறந்த வாய்ப்பாக அமைவதாக ஏற்பாட்டாளர்கள் தெரிவித்தனர்.
சுமார் 50 பக்தர்கள் கலந்து கொண்ட இந்த நிகழ்ச்சி, இறை வழிபாடு மற்றும் பக்தி இசையின் மூலம் சமய ஒற்றுமையையும் ஆன்மிக விழிப்புணர்வையும் வலுப்படுத்திய நிகழ்வாக அமைந்தது.
