தெஹ்ரான், 06 ஜூலை 2026 : ஈரானின் முன்னாள் உச்சத் தலைவர் ஆயத்துல்லா அலி கமேனியின் இறுதி ஊர்வலத்தில் சுமார் 2 கோடி மக்கள் பங்கேற்றதாக ஈரான் அதிகாரிகள் தெரிவித்துள்ளனர். தலைநகர் தெஹ்ரானில் நடைபெற்ற இந்த இறுதி அஞ்சலி நிகழ்வில் நாட்டின் பல்வேறு பகுதிகளில் இருந்து மக்கள் திரண்டதால், நகரின் முக்கிய சாலைகள் அனைத்தும் மக்கள் வெள்ளத்தால் நிரம்பின.
கமேனியின் உடலுக்கு அரசு மற்றும் ராணுவ உயரதிகாரிகள், மதத் தலைவர்கள், அரசியல் பிரமுகர்கள் மற்றும் பொதுமக்கள் அஞ்சலி செலுத்தினர். பலர் ஈரான் தேசியக் கொடிகளையும், கமேனியின் உருவப் படங்களையும் ஏந்தியபடி இறுதி ஊர்வலத்தில் பங்கேற்றனர். இந்த இறுதி நிகழ்வை உலகின் மிகப்பெரிய பொதுமக்கள் பங்கேற்ற இறுதி ஊர்வலங்களில் ஒன்றாக ஈரான் அரசு வர்ணித்துள்ளது.
கமேனியின் உடல் தெஹ்ரானில் பொதுமக்கள் அஞ்சலிக்காக வைக்கப்பட்டதைத் தொடர்ந்து, புனித நகரங்களான கோம், நஜஃப், கர்பலா வழியாக அவரது சொந்த ஊரான மஷ்ஹாதிற்கு கொண்டு செல்லப்பட உள்ளது. அங்கு அரசு மரியாதையுடன் இறுதிச் சடங்கு நடைபெறவுள்ளது.
கமேனியின் மறைவுக்குப் பிறகு ஈரானில் ஒரு வார தேசிய துக்கம் அனுசரிக்கப்பட்டு வரும் நிலையில், அவரது இறுதி ஊர்வலம் நாட்டின் அரசியல் மற்றும் மத ரீதியாக முக்கியத்துவம் வாய்ந்த நிகழ்வாகக் கருதப்படுகிறது.
