ஜொகூர் பாரு, 15 ஜூன் 2026 : மலேசிய இந்திய காங்கிரஸ் (எம்.ஐ.சி) தலைவர் டான் ஸ்ரீ டத்தோ ஸ்ரீ எஸ்.ஏ. விக்னேஸ்வரன், பாரிசான் நேஷனல் (பி.என்.) கூட்டணித் தலைவர்களுடன் இணைந்து பெர்லிங் டுன் எம்.ஐ.சி தேர்தல் இயந்திரத்தை அதிகாரப்பூர்வமாகத் தொடக்கி வைத்தார்.
நிகழ்வில் உரையாற்றிய அவர், ஜொகூரில் பல்வேறு துறைகளில் காணப்படும் முன்னேற்றங்களும் சாதனைகளும், ஜொகூர் மக்களும் இந்திய சமூகத்தினரும் இணைந்து மேற்கொண்ட கூட்டு முயற்சிகளின் விளைவாகும் என்று தெரிவித்தார்.
“ஜொகூரில் நாம் அடைந்துள்ள வெற்றிகள், ஒற்றுமை, அர்ப்பணிப்பு மற்றும் வலுவான தலைமைத்துவத்தின் பலனாகும். மாநில எம்.ஐ.சி தலைவர் ராவன் குமார் உள்ளிட்ட உள்ளூர் தலைவர்களின் ஆதரவும், கட்சி உறுப்பினர்களின் ஒத்துழைப்பும் இந்த முன்னேற்றத்திற்கு முக்கிய காரணமாக அமைந்துள்ளன,” என்று அவர் கூறினார்.
மேலும், ஜொகூர் மாநிலம் வெறும் ஒரு மாநிலம் மட்டுமல்ல; நாட்டின் மற்ற பகுதிகளுக்கு எடுத்துக்காட்டாக விளங்கும் வெற்றிகரமான வளர்ச்சி மாதிரி என்றும் அவர் குறிப்பிட்டார்.
வலுவான ஒத்துழைப்பு மற்றும் மக்களின் ஆதரவுடன், எதிர்காலத்திலும் மேலும் பல வெற்றிகளைப் பெற முடியும் என்ற நம்பிக்கையை அவர் வெளிப்படுத்தினார். நிகழ்வில் பாரிசான் நேஷனல் மற்றும் எம்.ஐ.சி தலைவர்கள், கட்சி உறுப்பினர்கள் மற்றும் ஆதரவாளர்கள் திரளாகக் கலந்துகொண்டனர்.
பெர்லிங் டுன் எம்.ஐ.சி தேர்தல் இயந்திரத்தின் தொடக்கம், வரவிருக்கும் அரசியல் மற்றும் சமூக நடவடிக்கைகளுக்கான கட்சியின் தயார்நிலையை வெளிப்படுத்துவதாகக் கருதப்படுகிறது.
