பெய்ரூட், 08 ஜூன் 2026 : இஸ்ரேல் பாதுகாப்புப் படைகள், லெபனானில் உள்ள ஹெஸ்பொல்லா அமைப்பின் நிலைகளை குறிவைத்து புதிய வான்வழித் தாக்குதல்களை நடத்தியுள்ளதாக தெரிவிக்கப்பட்டுள்ளது. இந்த தாக்குதல்கள், எல்லை பகுதிகளில் அதிகரித்து வரும் பதற்றத்துக்கிடையில் மேற்கொள்ளப்பட்டதாக கூறப்படுகிறது.
தெற்கு லெபனான் மற்றும் பெய்ரூட்டின் தெற்கு புறநகர்ப்பகுதிகளில் உள்ள ஹெஸ்பொல்லா கட்டுப்பாட்டுப் பகுதிகள் மீது தாக்குதல் நடத்தப்பட்டதாகவும், இது முந்தைய தாக்குதல்களுக்கு பதிலடி நடவடிக்கையாக அமைந்ததாகவும் இஸ்ரேல் தரப்பு தெரிவித்துள்ளது.
இந்த தாக்குதல்களில் சில உயிரிழப்புகள் மற்றும் காயங்கள் ஏற்பட்டுள்ளதாகவும் தகவல்கள் தெரிவிக்கின்றன. இதேவேளை, இஸ்ரேல் நடவடிக்கைகள் பிராந்தியத்தில் மேலும் பெரிய மோதலுக்கு வழிவகுக்கும் அபாயத்தை அதிகரித்துள்ளதாக சர்வதேச வட்டாரங்கள் எச்சரித்துள்ளன.
ஹெஸ்பொல்லா தரப்பும் இதற்கு பதிலடி தாக்குதல்கள் நடத்தியுள்ளதாக கூறப்படும் நிலையில், லெபனான்–இஸ்ரேல் எல்லை பகுதியில் பதற்றம் தொடர்ந்து உயர்ந்து வருகிறது.
