25 மே 2026 : கேஜி ஜாவாவில் அமைந்துள்ள எஸ்ஜேகேடி லடாங் பாரு 4 என்ற புதிய பள்ளியின் கட்டுமானப் பணிகளை விரைவுபடுத்துவது தொடர்பாக இன்று காலை முக்கிய ஆலோசனை கூட்டம் நடைபெற்றது.
இந்தக் கூட்டத்தில் எல்பிஎஸ் பிரதிநிதிகள், பெற்றோர் ஆசிரியர் சங்க உறுப்பினர்கள், பள்ளித் தலைமை ஆசிரியர் மற்றும் ஆசிரியர்கள் கலந்து கொண்டு, திட்டத்தின் தற்போதைய நிலை மற்றும் எதிர்கொள்ளப்படும் சவால்கள் குறித்து விரிவாக விவாதித்தனர்.
பள்ளி கட்டுமானத்திற்கான நிலம் ஏற்கனவே வழங்கப்பட்டிருந்தாலும், இதுவரை கட்டுமானப் பணிகள் தொடங்கப்படாதது கவலைக்கிடமான நிலையை உருவாக்கியுள்ளது. தற்போது பள்ளி வகுப்பறைப் பற்றாக்குறை, போதிய உள்கட்டமைப்பு வசதியின்மை மற்றும் மாணவர்களின் கற்றல் சூழலை பாதிக்கும் பல்வேறு பிரச்சினைகளை எதிர்கொண்டு வருவதாக தெரிவிக்கப்பட்டது.
இந்தப் பிரச்சினைக்கு விரைவான தீர்வு காணும் நோக்கில், கல்வித்துறை துணை அமைச்சர் மாண்புமிகு திரு வோங்கின் உதவியும் கோரப்பட்டுள்ளதாக தெரிவிக்கப்பட்டுள்ளது.
மேலும், பள்ளி கட்டுமானப் பணிகளை விரைவுபடுத்தும் நோக்கில் ஒரு செயல் குழுவும் அமைக்கப்பட்டுள்ளது. இந்த குழு, மாணவர்கள், ஆசிரியர்கள் மற்றும் உள்ளூர் சமூகத்தின் நலனைக் கருத்தில் கொண்டு, திட்டத்தை செயல்படுத்துவதற்கான வழி வரைபடத்தையும் முன்மொழியவுள்ளது.
புதிய பள்ளி கட்டுமானம் விரைவில் தொடங்கப்பட்டு நிறைவேற்றப்படும் என்ற நம்பிக்கையையும் கூட்டத்தில் கலந்து கொண்ட தரப்புகள் வெளியிட்டன.
