கோலாலம்பூர், 20 மே 2026 : சர்வதேச புத்தாக்க மற்றும் கண்டுபிடிப்பு கண்காட்சியான ITEX 2026, மலேசியா மட்டுமின்றி பல்வேறு நாடுகளைச் சேர்ந்த புத்தாக்குநர்கள், கல்வியாளர்கள், ஆராய்ச்சியாளர்கள், மாணவர்கள், புத்தொழில் நிறுவனங்கள் மற்றும் கல்வி நிறுவனங்களை ஒன்றிணைக்கும் முக்கிய உலகளாவிய தளமாக தொடர்ந்து வளர்ந்து வருகிறது.
புதுமையான கண்டுபிடிப்புகள், தொழில்நுட்பங்கள் மற்றும் எதிர்காலத் தொழில்துறை வளர்ச்சிக்கான தீர்வுகளை வணிகமயமாக்கும் நோக்கில் இந்த நிகழ்வு முக்கிய பங்காற்றி வருகிறது.
MOSTI, ITEX-ஐ வெறும் புத்தாக்கக் கண்காட்சியாக மட்டுமல்லாமல், ஆராய்ச்சி, தொழில்துறை, முதலீடு மற்றும் சந்தை அணுகலை இணைக்கும் முக்கிய பாலமாகக் கருதுவதாக தெரிவித்துள்ளது.
மேலும், புத்தாக்கச் சூழலமைப்பை வலுப்படுத்துவதற்காக நிதியுதவி, அறிவுசார் சொத்துரிமை ஆதரவு, புத்தொழில் மேம்பாடு மற்றும் தேசிய, சர்வதேச அளவிலான மூலோபாய ஒத்துழைப்புகளை அதிகரிக்க அமைச்சகம் தொடர்ந்து உறுதிபூண்டுள்ளதாகவும் குறிப்பிடப்பட்டது.
ITEX 2026 நிகழ்வை வெற்றிகரமாக நடத்த உதவிய அமைப்பாளர்கள், மூலோபாய கூட்டாளர்கள், நடுவர் குழுக்கள், ஆதரவாளர்கள் மற்றும் அனைத்து தரப்பினருக்கும் பாராட்டுகள் தெரிவிக்கப்பட்டன.
மேலும், விருது பெற்ற புத்தாக்குநர்கள் மற்றும் வெற்றியாளர்களுக்கு வாழ்த்துகள் தெரிவிக்கப்பட்டதுடன், இந்த அங்கீகாரம் உள்ளூர் புத்தாக்கங்களையும் யோசனைகளையும் உலக அரங்கிற்கு கொண்டு செல்லும் ஊக்கமாக அமையும் என நம்பிக்கை வெளியிடப்பட்டது.
