18 மே 2026 : பினாங்கின் பட்டர்வொர்த் பகுதியைச் சேர்ந்த மேல்நிலைப்பள்ளி ஆசிரியர் ஒருவர், ஆசிரியர் தினத்திற்கு முன்பாகவே மகிழ்ச்சியான அதிர்ஷ்டத்தை பெற்றுள்ளார். பேங்க் சிம்பனன் நேஷனல் நடத்திய 123வது SSP (Sijil Simpanan Premium) குலுக்கலில் அவர் RM1 மில்லியன் பரிசை வென்றுள்ளார்.
56 வயதான எம். முனிசுரன், வரலாறு பாட ஆசிரியராக பணியாற்றி வருகிறார். பல்கலைக்கழக மாணவராக இருந்த 1990ஆம் ஆண்டிலேயே BSN சேமிப்பு திட்டத்தில் இணைந்ததாகவும், அந்த சேமிப்பு பழக்கத்தை இன்று வரை தொடர்ந்து வருவதாகவும் அவர் தெரிவித்தார்.
நீண்டகால சேமிப்பு பழக்கத்திற்குப் பலனாக இந்த பெரிய பரிசு கிடைத்திருப்பது மகிழ்ச்சியளிப்பதாக அவர் கூறியுள்ளார்.இந்த வெற்றி, தொடர்ந்து சேமிப்பதன் முக்கியத்துவத்தை எடுத்துக்காட்டுவதாகவும், பொதுமக்களுக்கு ஊக்கமளிப்பதாகவும் பார்க்கப்படுகிறது.
