ஜெருசலேம், 28 ஏப்ரல் 2026 : வடக்கு காசா பகுதியில் ஹமாஸ் அமைப்பு பயன்படுத்தி வந்த 14 கிலோமீட்டர் நீளமுள்ள சுரங்கப்பாதை வலையமைப்பை தங்கள் படைகள் அழித்துள்ளதாக இஸ்ரேல் ராணுவம் தெரிவித்துள்ளது.
குறிப்பாக பெய்த் ஹனூன் பகுதியில் பல மாதங்களாக மேற்கொள்ளப்பட்ட நடவடிக்கையின் போது இந்த சுரங்கங்கள் கண்டறியப்பட்டு அழிக்கப்பட்டதாக இஸ்ரேல் பாதுகாப்புப் படை தெரிவித்துள்ளது. சுரங்கங்களுக்குள் ஆயுதக் கிடங்குகள் மற்றும் தங்கும் வசதிகளும் இருந்ததாக கூறப்படுகிறது.
மேலும் இந்த நடவடிக்கைகளின் போது சுமார் 70 போராளிகள் கொல்லப்பட்டதாகவும், வடக்கு காசா பகுதியை சுத்திகரிக்கும் பணிகள் தொடர்ந்து நடைபெற்று வருவதாகவும் இஸ்ரேல் தரப்பு தெரிவித்துள்ளது.
காசா மோதல் நீடித்து வரும் நிலையில், ஹமாஸ் அமைப்பின் நிலத்தடி கட்டமைப்புகளை குறிவைத்து இஸ்ரேல் தொடர்ந்து நடவடிக்கைகள் மேற்கொண்டு வருவது குறிப்பிடத்தக்கது. இந்த புதிய நடவடிக்கை பிராந்தியத்தில் மேலும் பதற்றத்தை ஏற்படுத்தியுள்ளது.
