தெஹ்ரான், 02 ஏப்ரல் 2026 : ஈரான் அணு ஆயுதம் தயாரிக்கிறது என்ற குற்றச்சாட்டை அமெரிக்கா மற்றும் இஸ்ரேல் முன்வைத்த நிலையில், அதை ஈரான் மறுத்தது. இதனைத் தொடர்ந்து நடந்த அணுசக்தி ஒப்பந்த பேச்சுவார்த்தை தோல்வியடைந்ததால், அமெரிக்கா–இஸ்ரேல் கூட்டுப் படைகள் ஈரான் மீது தாக்குதல் மேற்கொண்டன.
இந்த தாக்குதலில், ஈரானின் ராணுவ தளங்கள், ஏவுகணை அமைப்புகள் உள்ளிட்ட முக்கிய கட்டமைப்புகள் குறிவைக்கப்பட்டன. இதற்கு பதிலடியாக, இஸ்ரேல் மற்றும் வளைகுடா பிராந்தியத்தில் உள்ள அமெரிக்க ராணுவ தளங்களை ஈரான் தாக்கி வருகிறது. மேலும், ஹார்முஸ் ஜலசந்தியையும் ஈரான் தனது கட்டுப்பாட்டுக்குள் கொண்டுவந்துள்ளது.
இந்நிலையில், அமெரிக்க அதிபர் Donald Trump, போரை விரைவில் முடிக்க நடவடிக்கை எடுக்கப்படும் என தெரிவித்துள்ளார். தனது உரையில், அடுத்த 2 முதல் 3 வாரங்களில் ஈரானுக்கு எதிராக கடுமையான தாக்குதல் நடத்தப்படும் என்றும் கூறினார்.
இதற்கு பதிலளித்த ஈரான் ராணுவம், தங்களது ராணுவ திறனை அமெரிக்கா மற்றும் இஸ்ரேல் குறைத்து மதிப்பிட்டுள்ளதாகவும், இதனால் கடுமையான விளைவுகளை சந்திக்க நேரிடும் என்றும் எச்சரித்துள்ளது.
மேலும், அமெரிக்கா அவமானப்பட்டு சரணடையும் வரை இந்த போர் தொடரும் என்றும், அதுவரை தாக்குதல்கள் நிறுத்தப்படமாட்டாது என்றும் ஈரான் கடுமையாக தெரிவித்துள்ளது. இதனால் மத்திய கிழக்கு பகுதியில் பதற்றம் மேலும் அதிகரித்துள்ளது.
