புதுடெல்லி, 11 மார்ச் 2026 : 10 அணிகள் பங்கேற்கும் 19-வது ஐ.பி.எல். கிரிக்கெட் தொடர் மார்ச் 28 முதல் மே 31 வரை இந்தியாவின் பல்வேறு நகரங்களில் நடைபெற உள்ளது. இதனை முன்னிட்டு போட்டிக்கான முதற்கட்ட அட்டவணையை ஐபிஎல் நிர்வாகம் வெளியிட்டுள்ளது.
இந்த தொடருக்காக அனைத்து அணிகளும் தயாராகி வரும் நிலையில், வீரர்கள் தங்களது பயிற்சிகளை தொடங்கியுள்ளனர். ஒவ்வொரு அணியையும் பற்றிய தகவல்கள் தொடர்ந்து வெளியாகி வருகின்றன.
அட்டவணைபடி, தொடக்கப் போட்டி மார்ச் 28-ம் தேதி நடைபெறுகிறது. அந்த போட்டியில் பெங்களூரு அணி மற்றும் ஐதராபாத் அணி மோதுகின்றன. சென்னை அணி தனது முதல் போட்டியை மார்ச் 30-ம் தேதி ராஜஸ்தான் அணிக்கு எதிராக விளையாட உள்ளது.
ரசிகர்கள் ஆவலுடன் எதிர்பார்க்கும் சென்னை மற்றும் பெங்களூரு அணிகள் மோதும் முக்கியமான போட்டி அடுத்த மாதம் 5-ம் தேதி நடைபெற உள்ளது. இந்த போட்டி பெங்களூருவில் நடைபெறும் என்று அட்டவணையில் தெரிவிக்கப்பட்டுள்ளது.
