சிலாங்கூர், 08 மார்ச் 2026 : சிலாங்கூர் மாநில ம.இ.கா. (MIC) கலை மற்றும் கலாசார பிரிவு ஏற்பாடு செய்த “உறவுகள்” என்ற மேடை நாடக நிகழ்ச்சி சிறப்பாக நடைபெற்றது.
இந்த நிகழ்ச்சியில் ம.இ.கா. தலைவர் யு.பி.ஹெச். தன் ஸ்ரீ டத்தோ’ ஸ்ரீ டாக்டர் எஸ்.ஏ. விக்னேஸ்வரன் அவர்களை பிரதிநிதித்துவப்படுத்தி, ம.இ.கா. பொதுச் செயலாளர் டத்தோ’ டாக்டர் எஸ். அனந்தன் கலந்து கொண்டார்.
நிகழ்ச்சியின் போது, கலை, கலாசாரம் மற்றும் மொழியை பாதுகாக்கவும் வளர்த்தெடுக்கவும் தொடர்ந்து ஆதரவு வழங்கும் நோக்கில், ம.இ.கா. தலைவர் டாக்டர் எஸ்.ஏ. விக்னேஸ்வரன் அவர்களின் சார்பில் RM10,000 நிதி உதவி வழங்கப்பட்டது.
நிகழ்ச்சியை சிறப்பாக ஏற்பாடு செய்த ஏற்பாட்டு குழுவினருக்கும், இதில் பங்களித்த அனைவருக்கும் டத்தோ’ டாக்டர் எஸ். அனந்தன் தனது மனமார்ந்த பாராட்டுகளையும் நன்றிகளையும் தெரிவித்தார்.
இவ்வகையான நிகழ்ச்சிகள் சமூகத்தில் கலாசார மதிப்புகளை வளர்க்கவும், ஒற்றுமையை வலுப்படுத்தவும் முக்கிய பங்காற்றுகின்றன என அவர் கூறினார்.
