மெல்போர்ன், 01 மார்ச் 2026 : ஆஸ்திரேலியாவில் சுற்றுப்பயணம் மேற்கொண்டுள்ள இந்தியா பெண்கள் கிரிக்கெட் அணி, 3 போட்டிகள் கொண்ட ஒருநாள் தொடரில் விளையாடி வருகிறது. முதல் இரண்டு போட்டிகளிலும் ஆஸ்திரேலியா பெண்கள் கிரிக்கெட் அணி வெற்றி பெற்று தொடரை கைப்பற்றியது.
இந்நிலையில், இரு அணிகளுக்குமிடையிலான 3வது ஒருநாள் போட்டி மெல்போர்னில் இன்று நடைபெற்றது. டாஸ் வென்ற இந்திய அணி முதலில் பந்துவீச்சை தேர்வு செய்தது.
முதலில் பேட்டிங் செய்த ஆஸ்திரேலியா தொடக்கம் முதலே அதிரடி காட்டியது. அணியின் கேப்டன் Alyssa Healy 158 ரன்கள் குவித்தார். அவருடன் இணைந்த Beth Mooney 106 ரன்கள் எடுத்து சதமடித்தார். இதனால் 50 ஓவர்கள் முடிவில் 7 விக்கெட் இழப்புக்கு 409 ரன்கள் என வலுவான ஸ்கோர் பதிவு செய்யப்பட்டது.
410 ரன்கள் என்ற கடின இலக்குடன் களமிறங்கிய இந்திய அணிக்கு தொடக்கம் அதிர்ச்சி அளித்தது. ஸ்மிருதி மந்தனா ரன் ஏதும் எடுக்காமல் வெளியேறினார். பிற வீராங்கனைகள் நல்ல தொடக்கம் பெற்றும் அதனை பெரிய ஸ்கோராக மாற்ற முடியவில்லை. சினே ராணா 44 ரன்களும், ஜெமினா 42 ரன்களும் எடுத்தனர்.
இறுதியில் இந்திய அணி 45.1 ஓவர்களில் 224 ரன்களுக்கு ஆல் அவுட் ஆனது. இதனால் 185 ரன்கள் வித்தியாசத்தில் ஆஸ்திரேலியா அபார வெற்றி பெற்றது. ஆஸ்திரேலியா தரப்பில் Alana King 4 விக்கெட்டுகள் கைப்பற்றி வெற்றிக்கு முக்கிய பங்காற்றினார்.
