கோலாலம்பூர், 10 டிசம்பர் 2025 : தாய்லாந்து மற்றும் கம்போடியா தலைவர்களின் வெளிப்படைத்தன்மை மற்றும் விருப்பத்திற்கு பிரதமர் டத்தோஸ்ரீ அன்வார் இப்ராஹிம் பாராட்டு தெரிவித்தார். குறிப்பாக எல்லைப் பகுதிகளில் பதட்டங்களைத் தணிக்கவும், நிலைமையை மோசமாக்கும் தவறான புரிதல்களைத் தவிர்க்கவும் தொடர்ந்து பேச்சுவார்த்தை நடத்த இரு தலைவர்களும் தயாராக உள்ளனர்.
பேஸ்புக்கில் பகிர்ந்த டத்தோஸ்ரீ அன்வர், பிராந்தியத்தில் ஸ்திரத்தன்மை மற்றும் பாதுகாப்பைப் பேணுவதற்கு அமைதியான உரையாடல், சர்வதேச சட்டத்தின் அடிப்படையிலான தீர்வுகள் மற்றும் பிராந்திய ஒத்துழைப்பை மலேசியா தொடர்ந்து ஆதரிக்கும் என்று கூறினார்.
“நேற்று கம்போடியா மற்றும் தாய்லாந்து எல்லைப் பகுதிகளில் ஏற்பட்ட அமைதியின்மை குறித்து விவாதிக்க அந்நாட்டு பிரதமர்களுடன் நான் தொடர்பு கொண்டேன்.
“இறுதி தீர்வு எட்டப்படவில்லை என்றாலும், தொடர்ச்சியான இராஜதந்திர முயற்சிகள் இந்த முக்கியமான நேரங்களில் மேலும் கடுமையான சம்பவங்கள் எதுவும் ஏற்படாமல் பார்த்துக் கொண்டுள்ளன,” என்று அவர் கூறினார்.
