கோலாலம்பூர், 29 ஜூலை 2025 : ஆறு வயதான சிறுவன் டி. தேவக்ஷீயன், வெறும் ஒரு நிமிடத்தில் 65 நாட்டுகளின் நாணயங்களை சரியாக அடையாளம் கண்டுபிடித்து, மலேசியா சாதனை புத்தகத்தில் (Malaysia Book of Records) இடம் பெற்றார்.
சிறுவனின் அபூர்வமான திறமைக்கு பிரிட்டிஷ் உலக சாதனைப் பதிவும் (British World Record) கிடைத்துள்ளது. தேவக்ஷீயன், 11 நிமிடம் 45 விநாடிகளில் 200 நாடுகளின் நாணயங்களை நினைவில் கூறி அந்த சாதனையை படைத்துள்ளார்.
அவரது தாயார் தேவமலர் (வயது 37) கூறுகையில், “தெவக்ஷீயனின் திறமை அவருக்கு ஒரு வயதில் இருந்தே வெளிப்பட்டது. அப்போது அவர் மலேசியக் கொடியை துல்லியமாகக் கண்டுபிடிக்கத் தெரிந்துவிட்டார்,” என நினைவுகூர்கிறார்.
இந்தக் கூர்மையான நினைவாற்றல் மற்றும் உலக நாணயங்களைப் பற்றிய ஆழ்ந்த அறிவு, இவரது குடும்பம் மற்றும் அவருக்காக உருவாக்கப்பட்ட கற்றல் சூழ்நிலையின் பலனைச் சுட்டிக்காட்டுகிறது.
