கோலாலம்பூர், 27/01/2025 : 2024-ஆம் ஆண்டிற்கான STAM தேர்வு, வரும் பிப்ரவரி 3 தொடங்கி 6-ஆம் தேதி, 10, 12 மற்றும் 13 ஆகிய தேதிகளில் நடைபெறவுள்ளது.
அத்தேர்விற்கு மொத்தம், 4 ஆயிரத்து 507 மாணவர்கள் பதிந்துக் கொண்டுள்ளனர்.
நாடு முழுவதிலும் உள்ள 132 தேர்வு மையங்களில் தேர்வு சுமூகமாக நடைபெறுவதை உறுதிசெய்ய 926 அதிகாரிகள் நியமிக்கப்பட்டுள்ளதாக கல்வி அமைச்சு தெரிவித்துள்ளது.
தங்களின் தேர்வு நாள், நேரம், குறியீட்டு எண், தேர்வு தாள் உட்பட தேர்வு காலம் முழுவதும் பின்பற்ற வேண்டிய விதிமுறைகள் ஆகிய தகவல்களை மாணவர்கள் தேர்வு அட்டவணையில் சரிபார்த்துக் கொள்ளும்படி, கல்வி அமைச்சு இன்று வெளியிட்ட ஓர் அறிக்கையில் நினைவுறுத்தியது.
2024-ஆம் ஆண்டிற்கான STAM தேர்வு செயல்முறைகள் சுமூகமாக நடைபெறுவதை உறுதி செய்ய, நிர்ணயிக்கப்பட்டுள்ள செயல்பாட்டு தர விதிமுறைகளைப் பின்பற்றும்படியும் மாணவர்களுக்கு அறிவுறுத்தப்பட்டுள்ளது.
அதோடு, தேர்வுக் காலம் முழுவதும் மாணவர்கள் தங்கள் அடையாள அட்டை மற்றும் தேர்வு பதிவு ஆவணத்தைக் கொண்ட செல்ல வேண்டும் என்றும், தேர்வு அட்டவணையைத் தேர்வு வாரியத்தின் அகப்பக்கத்திலிருந்து பதிவிறக்கம் செய்துக் கொள்ளலாம் என்றும் அமைச்சு குறிப்பிட்டுள்ளது.
Source : Bernama
#STAM
#Entamizh
#MalaysiaNews
#LatestNews
#MalaysiaTamilNews
#MalaysiaOnlineMedia
#MalaysiaOnlineNews
#Malaysia
Comments are closed, but trackbacks and pingbacks are open.