5 ஆகஸ்ட் (கோலாலம்பூர்) YB துவான் கைருல் ஃபிர்தௌஸ் அக்பர் கான், சுற்றுலா, கலை மற்றும் கலாச்சார துணை அமைச்சர், KL இன்டர்நேஷனல் சூட் வாக்கைக் கொடியசைத்து துவக்கி வைத்தார்.ஆசிய மாஸ்டர் டெய்லர்களின் 28வது கூட்டமைப்பு (FAMT) காங்கிரஸ் 2024 அமைப்பின் KL இன்டர்நேஷனல் சூட் வாக் கோலாலம்பூர் கிராண்ட் ஹையாட் ஹோட்டலில் தொடக்க விழா கண்டது.
அவர் தனது உரையில் ‘FAMT காங்கிரஸ் 2024 இன் அமைப்பு மிகவும் உற்சாகமாக இருந்தது, இதன் ‘மொசைக் ஃபேஷன்’ மலேசியாவின் தேசிய உடைகளை முன்னிலைப்படுத்துகிறது. கூடுதலாக, பிரத்யேகமாக வடிவமைக்கப்பட்ட பாத்திக் மற்றும் சொங்கேட் ‘டெய்லர் மேட் சூட்ஸ்’ போன்ற தொகுப்புகள் தற்போதைய ஈர்ப்பாக உள்ளன, ஏனெனில் அவை நமது நாட்டின் கலைகலாச்சாரம் மற்றும் வரலாற்று கூறுகளைக் கொண்டுள்ளன.
இவ்வாறாக தயாரிக்கப்பட்ட துணிகள் ஆடைகள் மலேசியாவிற்கு சுற்றுலாப் பயணிகளை ஈர்க்கும் திறனைக் கொண்டுள்ளது. இதன் வழி மலேசியாவை சுற்றி பார்க்கும் ஆண்டு 2026 இலக்கை அடையலாம்.
மலாய் பாரம்பரிய உடையான கெபயாவை யுனெஸ்கோவின் அருவப் பாரம்பரிய பட்டியலில் பரிந்துரைப்பதன் மூலம் யுனெஸ்கோ அங்கீகாரத்தைப் பெறுவதற்கான முயற்சியில் சுற்றுலா, கலை மற்றும் கலாச்சார அமைச்சகம் (MOTAC) ஈடுப்பட்டுள்ளதாக தெரிவித்தார்.
2018 இல் தொடங்கிய KL சூட் வாக் நகர மையத்தில் நடைபெறும் மிகவும் தனித்துவம் மற்றும் பிரபலமான நிகழ்வாக தொடர்கிறது. இந்த ஆண்டு, கிராண்ட் ஹையாட்டில் தொடங்கி பெவிலியன் கோலாலம்பூரில் முடிவடையும் இந்நிகழ்வில் பங்கேற்பதற்காக 500க்கும் மேற்பட்ட பிரபலங்கள் மற்றும் இன்ஃலுவன்சர்களை ஏற்பாட்டாளர்களால் ஈர்க்க முடிந்தது.
மேலும், YB ங் ஷி ஹான் சிலாங்கூர் மாநில அரசாங்கத்தின் முதலீடு, வர்த்தகம் மற்றும் இயக்கம் ஆகியவற்றின் எஸ்கோ, பிரதமரின் அரசியல் செயலாளர் YB சான் மிங் கை மற்றும் டத்தோ (டாக்டர்) யாஸ்மின் மஹ்மூத், மலேசிய சுற்றுலா துறை இயக்குனர்கள் குழுவின் தலைவர், ஆகியோரும் இந்நிகழ்வில் கலந்துக் கொண்டனர்.
