அக்டோபர் 15, இந்தியா முன்னாள் ஜனாதிபதி பாரத ரத்னா டாக்டர் ஏ.பி.ஜே.அப்துல் கலாமின் பிறந்தநாள் இன்று. இந்தியாவின் ஏவுகணை நாயகன் என்று அழைக்கபடும் ஏ.பி.ஜே.அப்துல்கலாம் பிறந்தநாளை இளைஞர் எழுச்சி நாளாக கடைபிடிக்கப்பட தமிழக முதல்-அமைச்சர் ஜெயலலிதா உத்தரவிட்டார். மாவட்ட தலைநகரத்திலும் கல்லூரி மற்றும் பள்ளி மாணவ-மாணவிகள் மற்றும் நாட்டு நலப்பணி திட்ட மாணவ-மாணவிகள் ஆகியோர் பங்கேற்கும் இளைஞர் பேரணி காலை 9 மணிக்கு நடத்தப்படுகிறது. அப்துல் கலாமின் சொந்த ஊரான ராமேஸ்வரத்தில் இன்று, அவர் படித்த பள்ளியிலிருந்து அவர் வசித்த இல்லம் வரை மாணவ-மாணவிகள் பங்கேற்கும் பேரணி நடத்தப்படும்.