கோலாலம்பூர், 01 நவம்பர் 2026 : மலேசியாவில் இளம் பாடகர்களின் இசைத் திறமைகளை வெளிக்கொணரும் வகையில் நடைபெற்ற சிலாங்கூர் ஜூனியர் சூப்பர்ஸ்டார்ஸ் 2026 இசைப் போட்டியின் ஐந்தாவது பருவத்தின் பிரமாண்ட இறுதிச்சுற்று, இன்று (அக்டோபர் 31) மாலை கோலாலம்பூர் புக்கிட் ஜலீல் விளையாட்டரங்கின் வாகன நிறுத்துமிடத்தில் கோலாகலமாக நடைபெற்றது.
‘ஒரு சிறப்பான இசைப் பயணம்’ என்ற கருப்பொருளுடன் நடைபெற்ற இந்நிகழ்ச்சி, இளம் கலைஞர்கள் தங்களது பாடல் திறமைகளையும் மேடை நிகழ்த்தும் ஆற்றலையும் வெளிப்படுத்துவதற்கான சிறந்த வாய்ப்பாக அமைந்தது.
இறுதிச்சுற்றில் பங்கேற்ற போட்டியாளர்களில் லிரோஷன் புவனேந்திரன் ( SSJS 07) , தஷான் சிவனேஸ்வரன் (SSJS 08), பிரவின் புவனேஸ்வரன் (SSJS 01) உள்ளிட்ட இளம் கலைஞர்கள் இடம்பெற்றனர். ஒவ்வொரு போட்டியாளரும் தங்களது திறமைகளை வெளிப்படுத்தி பார்வையாளர்களின் கவனத்தை ஈர்த்தனர்.
இளம் தலைமுறையினரின் இசை ஆர்வத்தை ஊக்குவிப்பதுடன், அவர்களுக்குத் தங்களது திறமைகளைப் பெரிய மேடையில் வெளிப்படுத்துவதற்கான வாய்ப்பை ஏற்படுத்திக் கொடுப்பதும் இத்தகைய போட்டிகளின் முக்கிய நோக்கமாகும். இசை, கலை மற்றும் பொழுதுபோக்கு அம்சங்கள் நிறைந்த இந்நிகழ்ச்சி, இளம் திறமையாளர்களின் இசைப் பயணத்தில் முக்கியமான தருணமாக அமைந்தது.
சிலாங்கூர் ஜூனியர் சூப்பர்ஸ்டார்ஸ் போட்டியின் ஐந்தாவது பருவத்தின் நிறைவாக நடைபெற்ற இந்தப் பிரமாண்ட இறுதிச்சுற்று, இளம் கலைஞர்களை ஊக்குவிக்கும் ஒரு சிறப்பான இசை நிகழ்வாக அமைந்தது.
