சென்னை, 25 அக்டோபர் 2026 : ஜப்பானில் நடைபெற்ற 5-வது பாரா ஆசிய விளையாட்டுப் போட்டிகளில் இந்தியா சார்பில் பங்கேற்று பதக்கங்களை வென்ற தமிழக வீரர், வீராங்கனைகளுக்கு தமிழக முதலமைச்சர் விஜய் பாராட்டுகளையும் வாழ்த்துகளையும் தெரிவித்துள்ளார்.
இதுகுறித்து அவர் தனது சமூக வலைத்தளப் பதிவில், ஜப்பானில் நடைபெற்ற பாரா ஆசிய விளையாட்டுப் போட்டிகளில் தமிழகத்தைச் சேர்ந்த பாரா விளையாட்டு வீரர், வீராங்கனைகள் 3 தங்கம், 5 வெள்ளி, 7 வெண்கலம் என மொத்தம் 15 பதக்கங்களை வென்று சாதனை படைத்திருப்பது பெருமையளிப்பதாக குறிப்பிட்டுள்ளார்.
தமிழக வீரர், வீராங்கனைகள் இடையறாத பயிற்சி, தளராத மன உறுதி மற்றும் இலக்கை அடைவதற்கான அர்ப்பணிப்பின் மூலம் பல்வேறு சவால்களைக் கடந்து இந்தச் சாதனையைப் படைத்துள்ளதாக விஜய் தெரிவித்துள்ளார்.
ஒவ்வொரு வீரர், வீராங்கனையின் உழைப்பும் வெற்றியும் பாராட்டுக்குரியவை என்றும், அவர்களின் சாதனைப் பயணம் தொடர்ந்து சிறப்பாக அமைய வாழ்த்துவதாகவும் அவர் கூறியுள்ளார்.
தமிழக வீரர்களின் வெற்றி, மாநிலத்தின் விளையாட்டுத் திறனையும் இளைஞர்களின் ஆற்றலையும் உலகறியச் செய்துள்ளதாக முதலமைச்சர் தெரிவித்துள்ளார். இந்தச் சாதனை சர்வதேச அரங்கில் இந்தியாவின் பெருமையை மேலும் உயர்த்தியுள்ளதாகவும் அவர் குறிப்பிட்டுள்ளார்.
சாதனை படைத்த வீரர், வீராங்கனைகள் மட்டுமின்றி, எதிர்காலத்தில் சாதிக்கத் துடிக்கும் இளம் தலைமுறையினருக்கும் தமிழக அரசு தொடர்ந்து ஆதரவளிக்கும் என அவர் உறுதியளித்துள்ளார்.
வீரர்களின் திறமைகளை மேலும் வளர்த்து, அவர்கள் பல்வேறு போட்டிகளில் தொடர்ந்து வெற்றிகளைக் குவிக்கத் தேவையான ஆதரவை அனைத்து நிலைகளிலும் அரசு வழங்கும் என்றும் விஜய் தெரிவித்துள்ளார்.
