கெடா, 20 அக்டோபர் 2026 : SJKT சரஸ்வதி தேசிய வகைத் தமிழ்ப்பள்ளியில் நடைபெற்ற 37-ஆவது வாரக் கூட்டத்தின்போது, பல்வேறு துறைகளில் திறமை, படைப்பாற்றல் மற்றும் விடாமுயற்சியை வெளிப்படுத்திய மாணவர்களுக்குப் பாராட்டுகள் தெரிவிக்கப்பட்டன. அதில், மூன்றாம் வகுப்பு B பிரிவைச் சேர்ந்த ஹர்ரன் சுரேஷ், தேசிய அளவிலான Smart Delivery and Mathematics Challenge போட்டியில் Junior School Innovator பிரிவில் தங்கப் பதக்கம் வென்று பள்ளிக்குப் பெருமை சேர்த்தார்.
மேலும், இதே போட்டியில் மாநில அளவில் தமிழ்ப்பள்ளிகளைப் பிரதிநிதித்துவப்படுத்தும் வகையில் கெடா மாநிலத்திலிருந்து தேர்வு செய்யப்பட்ட மாணவர்களான திஷாலன் குணசீலன், சந்தஸ்ரீ குமரவேல் மற்றும் திவிஷா புவன்திரன் ஆகியோருக்கும் பாராட்டுகள் தெரிவிக்கப்பட்டன.
AIMST பல்கலைக்கழகம் ஏற்பாடு செய்த Fun Run நிகழ்ச்சியில் பங்கேற்ற ஞானேஷ்வர் கேசவன் மற்றும் கிர்த்திகா நெலகண்டன் ஆகிய மாணவர்களும் பாராட்டப்பட்டனர்.
இதனுடன், டிஜிட்டல் போட்டியில் வெற்றி பெற்று Digital Champion பட்டத்தைப் பெற்ற மாணவர், தேசிய அளவிலான Digital Storytelling Animations போட்டியில் பங்கேற்ற மாணவர்கள் மற்றும் மாநில அளவிலான DELIMA FLIX போட்டியில் கலந்துகொண்ட மாணவர்களுக்கும் வாழ்த்துகள் தெரிவிக்கப்பட்டன.
மாணவர்களின் இந்தச் சாதனைகளுக்குப் பின்னால் வழிகாட்டுதலும் ஆதரவும் வழங்கிய ஆசிரியர்கள், பள்ளி நிர்வாகத்தினர் மற்றும் சம்பந்தப்பட்ட அனைவருக்கும் பள்ளி நிர்வாகம் நன்றியைத் தெரிவித்தது. மாணவர்கள் தொடர்ந்து புதிய திறன்களைக் கற்று, தொழில்நுட்பம் மற்றும் புத்தாக்கத் துறைகளில் தங்களது திறமைகளை வளர்த்துக்கொண்டு, மாவட்ட, மாநில மற்றும் தேசிய அளவில் பள்ளிக்குப் பெருமை சேர்க்க வேண்டும் என்றும் ஊக்கமளிக்கப்பட்டது.
