கெடா, 18 அக்டோபர் 2026 : சரஸ்வதி கெடா தேசிய வகைத் தமிழ்ப்பள்ளியில் (SJKT Saraswathy) ஆசிரியர்களின் டிஜிட்டல் திறன்களை மேம்படுத்தும் நோக்கில், டிஜிட்டல் புத்தாக்கப் பயிலரங்கு கடந்த அக்டோபர் 15ஆம் தேதி நடைபெற்றது.
பிற்பகல் 2 மணிக்கு பள்ளியின் கூட்ட அறையில் நடைபெற்ற இப்பயிலரங்கில், DELIMa 3.0 தளத்தின் வழியாக Google Vids செயலியைப் பயன்படுத்தி கதைப்பலகை (Storyboard) உருவாக்குதல் மற்றும் படைப்பாற்றல் மிக்க காணொளிகளைத் தயாரித்தல் குறித்து பயிற்சி வழங்கப்பட்டது.
இப்பயிலரங்கைப் பள்ளியின் தகவல் மற்றும் தொடர்பாடல் தொழில்நுட்ப (ICT) ஒருங்கிணைப்பாளர் திருமதி லீலா சுப்பிரமணியம் வழிநடத்தினார். ஆசிரியர்கள் டிஜிட்டல் தொழில்நுட்பங்களைப் பயன்படுத்தி கற்பித்தல் மற்றும் கற்றல் முறைகளை மேலும் சுவாரஸ்யமாகவும், ஊடாடும் வகையிலும், புத்தாக்கத்துடனும் அமைப்பதற்கான திறன்களை வளர்ப்பதே இப்பயிலரங்கின் முக்கிய நோக்கமாகும்.
இப்பயிற்சியின் மூலம் பெறப்பட்ட அறிவையும் திறன்களையும் வகுப்பறைக் கற்பித்தலில் பயன்படுத்தி, டிஜிட்டல் தொழில்நுட்பத்தில் தேர்ச்சி பெற்ற, படைப்பாற்றல் மிக்க ஆசிரியர்களை உருவாக்குவதுடன், மாணவர்களின் கல்விச் சிறப்பையும் மேம்படுத்த முடியும் என எதிர்பார்க்கப்படுகிறது. இப்பயிலரங்கை வெற்றிகரமாக நடத்த உதவிய அனைவருக்கும் பள்ளி நிர்வாகம் நன்றியையும் பாராட்டுகளையும் தெரிவித்துள்ளது.
