மலாக்கா, 02 அக்டோபர் 2026 : மலேசிய இந்தியர் காங்கிரஸ் (மஇகா) மலாக்கா மாநிலத்தின் 32ஆவது இளைஞர் பேராளர் மாநாட்டை, மஇகா மலாக்கா மாநிலத் தலைவர் டத்தோ வி.பி. சண்முகம் அதிகாரப்பூர்வமாகத் தொடங்கி வைத்தார்.
செங் பகுதியில் உள்ள ஸ்ரீ மகா மாரியம்மன் ஆலய மண்டபத்தில் நடைபெற்ற இம்மாநாட்டில், மஇகா தேசிய இளைஞர் பிரிவுத் தலைவர் அரவிந்த் கிருஷ்ணன், துணைத் தலைவர் கேசவன் கந்தசாமி மற்றும் தேசிய இளைஞர் பிரிவின் நிர்வாகிகள் கலந்துகொண்டனர்.
மலாக்கா மாநிலத்தின் பல்வேறு பகுதிகளிலிருந்தும் பேராளர்கள் கலந்துகொண்டது, இளைஞர்களிடையே ஒற்றுமையையும் கட்சியின் அமைப்பை வலுப்படுத்துவதற்கான உறுதிப்பாட்டையும் வெளிப்படுத்தியது. மேலும், இளைஞர்களின் பங்களிப்பை வலுப்படுத்தி, அவர்களின் குரலை முன்னெடுத்துச் செல்லும் நோக்கில் தொடர்ந்து செயல்பட வேண்டும் என வலியுறுத்தப்பட்டது.
மாநாட்டைச் சிறப்பாகவும் ஒழுங்காகவும் ஏற்பாடு செய்த மஇகா மலாக்கா மாநில இளைஞர் பிரிவுத் தலைவர் குகன் ராம் தலைமையிலான குழுவினருக்கு வாழ்த்துகளும் பாராட்டுகளும் தெரிவிக்கப்பட்டன.
