புதுடெல்லி, 15 செப்டம்பர் 2026 : BRICS உச்சி மாநாட்டில் கலந்து கொள்வதற்கு முன்பாக, மலேசிய பிரதமர் டத்தோ ஸ்ரீ அன்வார் இப்ராஹிம், தனது நீண்டகால நண்பரும் இந்திய நாடாளுமன்ற எதிர்க்கட்சித் தலைவருமான ராகுல் காந்தியை சந்தித்தார். காலை உணவின்போது நடைபெற்ற இந்த சந்திப்பில் இருவரும் நட்புறவுடன் கலந்துரையாடினர். இந்த சந்திப்பு தொடர்பான புகைப்படங்களையும் பிரதமர் அன்வார் இப்ராஹிம் தனது சமூக ஊடகப் பதிவில் பகிர்ந்துள்ளார்.
“BRICS உச்சி மாநாட்டில் கலந்து கொள்வதற்கு முன்பு, எனது பழைய நண்பரும் இந்திய நாடாளுமன்ற எதிர்க்கட்சித் தலைவருமான ராகுல் காந்தியுடன் காலை உணவு அருந்தும் சந்திப்பில் கலந்துகொள்ளும் வாய்ப்பு கிடைத்தது” என அன்வார் இப்ராஹிம் குறிப்பிட்டுள்ளார்.
மலேசியா மற்றும் இந்தியா இடையிலான நீண்டகால உறவுகளின் பின்னணியில், இரு தலைவர்களுக்கும் இடையிலான இந்த சந்திப்பு முக்கியத்துவம் பெற்றுள்ளது. குறிப்பாக, இரு நாடுகளுக்கும் இடையிலான நட்புறவு மற்றும் பல்வேறு துறைகளில் ஒத்துழைப்பை மேலும் வலுப்படுத்தும் வகையில் உயர்மட்ட சந்திப்புகள் தொடர்ந்து இடம்பெற்று வருகின்றன.
இதனிடையே, BRICS உச்சி மாநாட்டில் பங்கேற்கும் பிரதமர் அன்வார் இப்ராஹிம், மாநாட்டில் மலேசியாவின் நிலைப்பாடுகள் மற்றும் சர்வதேச விவகாரங்கள் தொடர்பான கலந்துரையாடல்களில் பங்கேற்க உள்ளார். ராகுல் காந்தியுடனான இந்த சந்திப்பு, BRICS மாநாட்டுக்கு முன்னதாக இரு தலைவர்களும் சந்தித்து கருத்துகளைப் பகிர்ந்து கொண்ட ஒரு முக்கியமான சந்திப்பாக அமைந்துள்ளது.
