புதுடெல்லி, 05 ஜூலை 2026 : அமெரிக்காவின் 250-ஆவது சுதந்திர தினத்தை முன்னிட்டு, இந்திய பிரதமர் நரேந்திர மோடி, அமெரிக்க அதிபர் டொனால்டு டிரம்ப் மற்றும் அந்நாட்டு மக்களுக்கு தனது மனமார்ந்த வாழ்த்துகளைத் தெரிவித்துள்ளார்.
சமூக வலைதளத்தில் வெளியிட்ட வாழ்த்துச் செய்தியில், கடந்த 250 ஆண்டுகளில் அமெரிக்கா அமைதி, முன்னேற்றம் மற்றும் புதுமைகளில் குறிப்பிடத்தக்க சாதனைகளைப் படைத்துள்ளதாக பிரதமர் மோடி பாராட்டினார். அடுத்த 250 ஆண்டுகளும் உலகிற்கு மேலும் அமைதி, வளம் மற்றும் முன்னேற்றத்தை வழங்கட்டும் என்றும் அவர் வாழ்த்துத் தெரிவித்தார்.
இந்தியா மற்றும் அமெரிக்கா இடையிலான விரிவான உலகளாவிய மூலோபாயக் கூட்டாண்மை, ஜனநாயக விழுமியங்கள் மற்றும் மக்களுக்கிடையேயான நெருங்கிய உறவின் அடிப்படையில் தொடர்ந்து வலுப்பெற்று வருவதாகவும் பிரதமர் மோடி குறிப்பிட்டார். இரு நாடுகளின் ஒத்துழைப்பை மேலும் புதிய உயரங்களுக்கு கொண்டு செல்ல இந்தியா உறுதிபூண்டுள்ளதாகவும் அவர் தெரிவித்தார்.
