11 ஜூன் 2026 : ஒற்றுமை அரசில் பிளவு ஏற்படும் என்ற ஊகங்களுக்கு இடமில்லை என்றும், கூட்டணி அரசின் உறவு தொடர்ந்து வலுவாகவும் நிலையானதாகவும் இருப்பதாக பிரதமர் டத்தோ ஸ்ரீ அன்வார் இப்ராஹிம் தெரிவித்துள்ளார்.
அண்மையில் கூட்டணி கட்சிகளைச் சுற்றி பல்வேறு அரசியல் விவாதங்கள் எழுந்தபோதிலும், கூட்டாட்சி மட்டத்தில் அரசின் நிலைத்தன்மை எந்த வகையிலும் பாதிக்கப்படவில்லை என்று அவர் வலியுறுத்தினார். அமைச்சரவை கூட்டங்கள் வழக்கம்போல சுமுகமாக நடைபெற்று வருவதாகவும் கூறினார்.
அரசில் இடம்பெற்றுள்ள அனைத்து கட்சிகளும் அரசியல் வேறுபாடுகளை ஒதுக்கிவைத்து, நாட்டின் பொருளாதார வளர்ச்சி மற்றும் மக்களின் நலனில் கவனம் செலுத்த உறுதிபூண்டுள்ளன என்றும் பிரதமர் தெரிவித்தார்.
மேலும், நாடாளுமன்றம் விரைவில் கலைக்கப்படும் என்ற தகவல்களையும் அவர் மறுத்தார். அண்மையில் நடைபெற்ற அமைச்சரவை குழு புகைப்பட அமர்வு, புதிய அமைச்சரவை உறுப்பினர்கள் நியமிக்கப்பட்டதைத் தொடர்ந்து ஏற்பாடு செய்யப்பட்டதோ தவிர, நாடாளுமன்ற கலைப்புடன் எந்த தொடர்பும் இல்லை என விளக்கமளிக்கப்பட்டது.
நாட்டின் பொருளாதார முன்னேற்றம், சீர்திருத்தத் திட்டங்கள் மற்றும் மக்களின் நலனை மேம்படுத்தும் கொள்கைகளே அரசின் தற்போதைய முக்கிய முன்னுரிமைகள் என்றும் பிரதமர் வலியுறுத்தினார்.
