20 மே 2026 : மலேசியாவின் யுனிவர்சிட்டி புத்ரா மலேசியா (யூபிஎம்) மருத்துவ மற்றும் சுற்றுச்சூழல் அறிவியல் பீடத்தின் விரிவுரையாளர் கார்மேகம் கருப்பையா தலைமையில், எம்பிஎஸ்ஜே ஒருங்கிணைந்த உயிரி எரிபொருள் மையத்திற்கு ஒப்பீட்டுப் பயணமொன்று மேற்கொள்ளப்பட்டது.
இந்தப் பயணத்தின் மூலம், மஜ்லிஸ் பந்தாராயா சுபாங் ஜெயா (எம்பிஎஸ்ஜே) செயல்படுத்தி வரும் சுற்றுச்சூழல் நிலைத்தன்மை தொடர்பான சிறந்த நடைமுறைகள் குறித்து பங்கேற்பாளர்கள் நேரடியாக அறிந்துகொள்ளும் வாய்ப்பைப் பெற்றனர்.
மேலும், தளத்தில் நடைபெறும் பணிச் செயல்முறைகள், இயந்திர இயக்கங்கள் மற்றும் தொழிலாளர் பாதுகாப்பு மேலாண்மை அம்சங்கள் குறித்தும் விரிவாக விளக்கமளிக்கப்பட்டது.
இந்த ஆய்வுப் பயணம், குறிப்பாக பல்கலைக்கழக மாணவர்களுக்கு திடக்கழிவு மேலாண்மை மற்றும் வட்டப் பொருளாதாரம் தொடர்பான கல்வி மற்றும் ஆராய்ச்சி துறைகளில் புதிய அனுபவங்களையும் ஒத்துழைப்பு வாய்ப்புகளையும் வழங்கும் என தெரிவிக்கப்பட்டது.
அதேவேளை, இந்தப் பயணத்தின் மூலம் பெறப்பட்ட அறிவும் அனுபவமும் எதிர்கால கல்வி மற்றும் தொழில்துறை துறைகளில் பயனுள்ளதாக அமையும் என்ற நம்பிக்கையும் வெளியிடப்பட்டது.
