கோலாலம்பூர், 20 மே 2026 : ‘ரோட் டு கோல்ட்’ (RTG) குழு கூட்டம் எண் 1/2026, இளைஞர் மற்றும் விளையாட்டுத் துறை அமைச்சர் முகமது தௌஃபிக் ஜோஹரி தலைமையில் நடைபெற்றது. 2026 ஆம் ஆண்டிற்கான RTG மற்றும் ‘ஃபாஸ்ட் ட்ராக்’ திட்டங்களுக்கான தேசிய விளையாட்டு வீரர்களின் பட்டியலை இறுதி செய்வதே இந்தக் கூட்டத்தின் முக்கிய நோக்கமாக இருந்தது.
RTG திட்டத்தின் கீழ் தேர்வு செய்யப்பட்டவர்களில் தேசிய பேட்மிண்டன் வீரர்கள் ஆரோன் சியா, சோ வூய் யிக், சென் டாங் ஜியே, டோ ஈ வெய் உள்ளிட்டோர் இடம்பெற்றுள்ளனர்.மேலும், பளுதூக்குதல் வீரர்கள், சைக்கிள் ஓட்ட வீரர்கள் மற்றும் ஸ்க்வாஷ் வீராங்கனைகள் உட்பட வேறு விளையாட்டு பிரிவுகளைச் சேர்ந்த முன்னணி வீரர்களும் பட்டியலில் இடம்பிடித்துள்ளனர்.
இதனுடன், 2026 ‘ஃபாஸ்ட் ட்ராக்’ திட்டத்திற்காக வில்வித்தை மற்றும் சைக்கிள் ஓட்டப் பிரிவுகளில் தேர்வு செய்யப்பட்ட இளம் வீரர்களின் பட்டியலும் அறிவிக்கப்பட்டது.
இந்தக் கூட்டத்தில் முக்கிய தீர்மானமாக, முந்தைய ‘டாப்-அப்’ திட்டத்தை விட, RTG திட்டம் இனி முழுநேர தேசிய விளையாட்டு மேம்பாட்டு திட்டமாக செயல்படும் என முடிவு செய்யப்பட்டது.
புதிய திட்டத்தின் கீழ் செயல்திறன் உதவித்தொகை, RTG நிதியுதவி, பயிற்சியாளர் சம்பளம், சர்வதேச போட்டி அனுபவம், பிரத்யேக பயிற்சி மையங்கள், மேம்பாட்டு திட்டங்கள் மற்றும் அறிவியல் சார்ந்த விளையாட்டு ஆதரவு சேவைகள் வழங்கப்படும் என தெரிவிக்கப்பட்டது.
மலேசிய விளையாட்டுத் துறையை சர்வதேச அளவில் மேலும் உயர்த்தும் நோக்கில் இந்த RTG திட்டம் முக்கிய பங்காற்றும் என அமைச்சகம் நம்பிக்கை தெரிவித்துள்ளது.
