குச்சிங், 09 ஏப்ரல் 2026 : சபா மற்றும் சரவாக்கில் மொத்தம் 30 உள்கட்டமைப்புத் திட்டங்கள் இந்த ஆண்டு நிறைவடையும் என எதிர்பார்க்கப்படுகிறது. சபாவில் 15 திட்டங்களும் சரவாக்கில் 15 திட்டங்களும் இருப்பதாக பணித்துறை துணை அமைச்சர் டத்தோஸ்ரீ டாக்டர் அகமட் மஸ்லான் தெரிவித்தார்.
“சபாவில் 203 மில்லியன் ரிங்கிட் செலவில் 12 திட்டங்களும், சரவாக்கில் 263 மில்லியன் ரிங்கிட் செலவில் ஒன்பது திட்டங்களும் 2025-ஆம் ஆண்டில் நிறைவடைந்தன. இரு மாநிலங்களிலும் சேர்த்து மொத்தம் 21 திட்டங்களின் மொத்தச் செலவு 466 மில்லியன் ரிங்கிட் ஆகும்,” என்று அவர் கூறினார்.
இங்குள்ள சிறப்புத் திட்டக் குழு 2 (PPK 2) அலுவலகத்தில் நடைபெற்ற விளக்கக் கூட்டத்தில் கலந்துகொண்ட பிறகு அவர் ஊடகங்களிடம் இவ்வாறு கூறினார். இக்கூட்டத்தில் கட்டுமான இயக்குநர் டத்தோ இன்சின்யூர் ஜஸ்மி வஹாபும் கலந்துகொண்டார். சரவாக்கில் உள்ள இந்தத் திட்டத்தில், பல பள்ளிகளும் சமரஹானில் உள்ள இன்ஃப்ரா ஹாலும் ஈடுபட்டுள்ளன.
