கோலாலம்பூர், 08 மார்ச் 2026 : மலேசியாவின் கோலாலம்பூரில் உள்ள பிரிக்க்ஃபீல்ட்ஸ் பகுதியில் அமைந்துள்ள டெம்பிள் ஆஃப் பைன் ஆர்ட்ஸ் சாந்தானந்த அரங்கத்தில், கெல்லி பைன் ஆர்ட்ஸ் அமைப்பு ஏற்பாடு செய்த ‘ஆரம்பா 3.0 – தி பெகினிங்’ நிகழ்ச்சியின் கீழ் பரதநாட்டிய அரங்கேற்றம் சிறப்பாக நடைபெற்றது.
இந்த நிகழ்ச்சியில் நாத்திய திலகம் ஸ்ரீமதி கெல்லி விக்னேஸ் ஹரன் P.P.C அவர்களின் மாணவிகளான சாந்தியா மற்றும் மலனி ஆகியோர் பரதநாட்டிய அரங்கேற்றத்தை வழங்கினர். பாரம்பரிய நடன வடிவங்களையும், கலைநயமிக்க அசைவுகளையும் இணைத்து அவர்கள் வழங்கிய நடன நிகழ்ச்சி பார்வையாளர்களின் பாராட்டைப் பெற்றது.
பரதநாட்டியத்தின் பாரம்பரிய அங்கங்களைக் கொண்ட இந்த அரங்கேற்றத்தில் ஆலாரிப்பு, ஜதிஸ்வரம், வர்ணம், பதம் உள்ளிட்ட பல்வேறு அங்கங்கள் இடம்பெற்றன. நிகழ்ச்சியில் கலந்து கொண்ட கலை ஆர்வலர்கள் மற்றும் பெற்றோர் மாணவிகளின் அரங்கேற்றத்தை பாராட்டினர்.
இந்த நிகழ்ச்சியை நேரலையாக காண விரும்புவோருக்காக யூடியூப் வழியாக ஒளிபரப்பும் ஏற்பாடும் செய்யப்பட்டிருந்தது. நிகழ்ச்சியின் நேரலை பதிவு https://youtube.com/live/IZK5z_ASgCc என்ற இணைப்பில் காணலாம்.
