கோலாலம்பூர், 30 ஜூலை 2025 : மலேசியா மீண்டும் ஒருமுறை தனது சர்வதேச அரசியல் செல்வாக்கையும், பிராந்திய அமைதி முயற்சிகளிலும் தனித்துவத்தையும் நிரூபித்துள்ளது.
மலேசியாவின் பிரதமர் மற்றும் ஆசியான் தலைவராகிய டத்தோ’ ஸ்ரீ அன்வார் இப்ராகிம் தலைமையில், தாய்லாந்துக்கும் கம்போடியாவுக்கும் இடையே நீண்ட நாட்களாக நிலவிய பிணக்கை முடிவுக்கு கொண்டு வரும் வகையில், உடனடி மற்றும் நிபந்தனையற்ற போர் நிறுத்த ஒப்பந்தம் வெற்றிகரமாக உருவாக்கப்பட்டுள்ளது.
இது தொடர்பாக, பத்து நாடாளுமன்ற உறுப்பினர் பி. பிரபாகரன் தனது பாராட்டை வெளியிட்டுள்ளார்:
“பலதரப்பட்ட மக்களின் தொகுதியை பிரதிநிதித்துவப்படுத்தும் ஒருவராக, YAB பிரதமரின் தூய்மையான சமாதான முயற்சியில் பெருமையடைகிறேன்.
அவர் மலேசியாவின் குரலை மட்டுமல்ல, ஆயிரக் கணக்கான உயிர்களை காக்கும் மனிதநேயக் குரலாகவும் திகழ்ந்தார். அமைதி என்பது வெறும் சர்வதேசக் கொள்கை அல்ல — அது மனித உரிமை.
இந்த முயற்சி, மலேசியா வன்முறையின்றி, அறிவாற்றலால் உலக அமைதியை வழிநடத்தக்கூடிய நாடாக இருக்க முடியும் என்பதற்கான உறுதியான சான்றாகும்.”என கூறினார்.
பிராந்தியக் குழப்பங்களுக்கிடையில் மலேசியா எடுத்திருக்கும் இந்த துணிச்சலான மற்றும் சீர்மிகு உறுதியான நடவடிக்கைக்கு பல தரப்பிலும் பாராட்டுகள் குவிந்து வருகின்றன.
மலேசியா எழுகிறது — நமக்காக மட்டுமல்ல, உலகத்துக்காகவும்
#Cambodia
#Thailand
#PmAnwar
