கங்கார், 11/05/2025 : துவாங்கு ஃபௌசியா மருத்துவமனையின் இரத்தமாற்ற மருத்துவத் துறை, நடமாடும் இரத்த தானத் திட்டத்தின் மூலம் 80 இரத்தப் பொதி சேகரிப்பை இலக்காகக் கொண்டுள்ளது.
உள்ளூர் சமூகத்தினரிடமிருந்து ஊக்கமளிக்கும் வரவேற்பைப் பெற்ற இரத்த தான தளம், மே 10 மற்றும் 11 ஆகிய தேதிகளில் இங்குள்ள அல்வி மசூதியில் நடைபெற்ற 10வது சுன்னா கிராம நிகழ்ச்சியின் மூலம் மேலும் விரிவுபடுத்தப்பட்டது.
இரத்தமாற்ற மருத்துவத் துறையின் மருத்துவ அதிகாரி டாக்டர் முகமட் சித்த்கீ அபிடின் கூறுகையில், திட்டத்தின் முதல் நாளில் 56 இரத்தப் பொதிகள் வெற்றிகரமாக சேகரிக்கப்பட்டதால், மொத்த இரத்த சேகரிப்பு இலக்கை விட அதிகமாக இருக்கும் என்று எதிர்பார்க்கப்படுகிறது.
பொதுமக்களின் விழிப்புணர்வும், இரத்த தானம் செய்ய முன்வர வேண்டும் என்ற அக்கறையும், குறிப்பாக எந்தவொரு அவசரகால சூழ்நிலைகளையும் எதிர்கொள்ள போதுமான இரத்த விநியோகத்தை உறுதி செய்வதில் முக்கிய பங்கு வகிக்கிறது என்று அவர் கூறினார்.
தற்போது, துவாங்கு ஃபௌசியா மருத்துவமனையில் அனைத்து வகையான இரத்த விநியோகமும் பாதுகாப்பான மட்டத்தில் உள்ளது.
இருப்பினும், எந்தவொரு எதிர்பாராத சூழ்நிலையையும் எதிர்கொள்ள துறை எப்போதும் தயாராக உள்ளது.
மருத்துவமனையில் இரத்த இருப்பை அதிகரிப்பதற்கான தொடர்ச்சியான சமூகப் பொறுப்புணர்வு முயற்சியாக, பெர்லிஸ் மாநில முப்தி துறையுடன் இணைந்து இந்த இரத்த தானத் திட்டம் செயல்படுத்தப்படுகிறது.
