தாப்பா, 26/10/2024 : கடந்த 4 தவணைகளாக தாப்பா நாடாளுமன்ற உறுப்பினராக இருக்கும் மாண்புமிகு டத்தோ ஸ்ரீ டாக்டர் எம்.சரவணன் அவர்கள் தொடர்ச்சியாக தாப்பா மக்கள் மனதில் நிலைத்திருக்கிறார் என்றால் அவர் தாப்பா மக்கள் மேல் கொண்டிருக்கும் அன்பும், மக்கள் அவர்மேல் கொண்டிருக்கும் அன்பும் தான் காரணம்.
தீபாவளி பண்டிகை நெருங்கி வரும்போது, இந்த மகிழ்ச்சியான தருணத்தில் அன்பு, கருணை, ஒற்றுமை ஆகியவற்றை அனவரும் நினைவில் கொள்வது சிறந்தது. அதைத் தவறாமல் கடந்த 17 வருடங்களாகக் கடைப்பிடித்து வருபவர் டத்தோ ஸ்ரீ எம்.சரவணன் அவர்கள். ஒவ்வொரு பண்டிகையின் போதும் தாப்பா நாடாளுமன்ற மக்களுக்குக் கொடுத்து மகிழ்வதை தனது கடமையாகக் கொண்டுள்ளார்.
இன்று தாப்பாவில் 1500 குடும்பங்களுக்குத் தீபாவளி அன்பளிப்பு வழங்கப்பட்டது. ஏற்பாடு செய்தது 1500 பேருக்குத்தான் என்றாலும் ஒரே குடும்பத்தில் 2, 3 பேர் வாங்குவதைக் காணமுடிந்தது. ஆக 2000த்தைத் தாண்டிச் சென்றது என்று தாராளமாகச் சொல்லலாம்.
தீபாவளிக்கு மட்டுமல்ல நோன்புப் பெருநாள், சீனப்பண்டிகை, கிறிஸ்மஸ் என்று தாப்பாவில் உள்ள அனைத்து சமூகத்தினருக்கும் இந்த சலுகை உண்டு.
அனைவருக்கும் இனிய தீபாவளி நல்வாழ்த்துகள்.
