டோக்கியோ, 09 ஜூன் 2026 : பிரதமர் டத்தோ ஸ்ரீ அன்வார் இப்ராஹிம் ஜப்பானின் டோக்கியோ பல்கலைக்கழகத்தில் சிறப்பு உரையாற்றினார். அந்த உரை “மனிதர்–இயந்திர நாகரிகத்தில் மனிதநேயம்” (Humanity in a Human-Machine Civilisation) என்ற தலைப்பில் நடைபெற்றது.
இந்த நிகழ்ச்சியில் 500-க்கும் மேற்பட்ட மாணவர்கள் மற்றும் கல்வியாளர்கள் கலந்து கொண்டனர். உரையில், செயற்கை நுண்ணறிவு (AI) வேகமாக வளர்ந்து வரும் இக்காலத்தில் பொருளாதார வளர்ச்சியையும் மனித மதிப்புகளையும் சமநிலைப்படுத்த வேண்டிய அவசியம் குறித்து பிரதமர் வலியுறுத்தினார்.
மேலும், தொழில்நுட்ப முன்னேற்றம் மனிதநேய மதிப்புகளை புறக்கணிக்கக் கூடாது என்றும், எதிர்கால உலக வளர்ச்சி மனித மையமாக இருக்க வேண்டும் என்றும் அவர் தெரிவித்தார்.
இந்த உரையுடன் இணையாக, மலேசியா மற்றும் ஜப்பான் இடையிலான பொருளாதார, முதலீட்டு மற்றும் தொழில்நுட்ப ஒத்துழைப்புகளை மேலும் வலுப்படுத்தும் பல்வேறு சந்திப்புகளும் நடைபெற உள்ளன.
இந்த பயணம், இரு நாடுகளுக்கும் இடையிலான உறவுகளை மேலும் ஆழப்படுத்தும் முக்கிய முயற்சியாக கருதப்படுகிறது.
