கோலாலம்பூர், 08 ஜூன் 2026 : கோலாலம்பூர் இளைஞர் வலுவூட்டல் மற்றும் திறன் மேம்பாட்டுத் திட்டம் KL-YES) திட்டம், மலேசிய மாணவர்களின் திறன்கள், தலைமைத்துவ ஆற்றல் மற்றும் தன்னம்பிக்கையை மேம்படுத்துவதில் முக்கிய பங்காற்றி வருவதாக தெரிவிக்கப்பட்டுள்ளது.
இளைஞர்களை எதிர்கால சவால்களை எதிர்கொள்ளத் தயார்படுத்தும் நோக்கில் செயல்படுத்தப்படும் இந்தத் திட்டம், கல்வி அறிவுடன் மட்டுமல்லாமல் நடைமுறைத் திறன்கள், தொடர்பாடல் திறன் மற்றும் தலைமைத்துவ பண்புகளை வளர்ப்பதற்கும் முக்கியத்துவம் அளிக்கிறது.
பல்வேறு பயிற்சிகள், கலந்துரையாடல் அமர்வுகள் மற்றும் திறன் மேம்பாட்டு நடவடிக்கைகள் மூலம் மாணவர்கள் தங்களது திறமைகளை வெளிப்படுத்துவதற்கான வாய்ப்புகளைப் பெறுகின்றனர். இதன் மூலம் அவர்களின் தன்னம்பிக்கை அதிகரிப்பதோடு, எதிர்கால கல்வி மற்றும் தொழில் வாய்ப்புகளுக்கான தயார்நிலையும் மேம்படுகிறது.
இத்திட்டம், மாணவர்களிடையே புதுமை சிந்தனை, குழு ஒருங்கிணைப்பு மற்றும் சமூகப் பொறுப்புணர்வை வளர்ப்பதற்கும் உதவுவதாக ஏற்பாட்டாளர்கள் தெரிவித்துள்ளனர்.
இளைஞர்களின் முழுமையான வளர்ச்சியை உறுதிப்படுத்தும் நோக்கில் முன்னெடுக்கப்படும் KL-YES திட்டம், நாட்டின் மனிதவள மேம்பாட்டிற்கும் எதிர்கால தலைவர்களை உருவாக்குவதற்கும் பங்களித்து வருவதாகக் குறிப்பிடப்பட்டுள்ளது.
