கோலாலம்பூர், 27 ஏப்ரல் 2026 : தேசிய கலாசார மற்றும் கலைத்துறை (ஜேகேகேஎன்) ஏற்பாட்டில் நடைபெற்ற ஊடக பாராட்டு இரவு 2025 நிகழ்ச்சியில், பல்வேறு ஊடக நிறுவனங்கள் சிறந்த பங்களிப்பிற்காக விருதுகள் பெற்று கௌரவிக்கப்பட்டன.
செய்தி, தொலைக்காட்சி, வானொலி மற்றும் இணைய ஊடக துறைகளில் சிறந்து விளங்கிய பல முன்னணி ஊடகங்கள் இந்நிகழ்வில் பல்வேறு விருதுகளை வென்றன.
விருது பெற்றவர்களில் டிவி3 மலேசியா ஹாரி இநி, பெர்னாமா ஆபா காபார், ஆர்டிஎம் செலாமட் பாகி மலேசியா, டிவி3 புலெட்டின் உத்தமா, ஆஸ்ட்ரோ அவானி புலெட்டின் அவானி, டிடிக் தொலைக்காட்சி செய்திகள், டிராக்ஸ் எஃப்எம், பெர்னாமா வானொலி, சிலாங்கூர் எஃப்எம், ஹரியான் மெட்ரோ, உதுசான் மலேசியா, நியூ ஸ்ட்ரெய்ட்ஸ் டைம்ஸ், சின் சியூ இணையம், த ஸ்டார் இணையம் மற்றும் மெட்ரோ இணையம் ஆகியவை இடம்பெற்றன.
ஊடகத்துறையின் அர்ப்பணிப்பு, செய்தி பரப்பில் தரம், சமூக விழிப்புணர்வை உருவாக்கிய பங்களிப்பு ஆகியவற்றை அங்கீகரிக்கும் வகையில் இந்த விருதுகள் வழங்கப்பட்டதாக ஏற்பாட்டாளர்கள் தெரிவித்தனர்.
விருது பெற்ற அனைத்து ஊடக நிறுவனங்களுக்கும் வாழ்த்துகள் தெரிவிக்கப்பட்டதுடன், நாட்டின் ஊடக வளர்ச்சிக்கு இத்தகைய அங்கீகாரங்கள் ஊக்கமளிப்பதாகவும் வலியுறுத்தப்பட்டது.
