ஹவானா, 05 ஜனவரி 2026 : ஜனாதிபதி நிக்கோலஸ் மதுரோவை அமெரிக்காவில் விசாரணைக்கு உட்படுத்தும் நோக்கில் வெனிசுலா மீதான அமெரிக்கா நடத்திய தாக்குதலில் அதன் குடிமக்கள் 32 பேர் கொல்லப்பட்டதாக கியூப அரசாங்கம் அறிவித்துள்ளது.
உயிரிழந்தவர்களை நினைவுகூரும் வகையில் ஹவானா ஜனவரி 5 மற்றும் 6 ஆகிய தேதிகளில் இரண்டு நாள் துக்க தினத்தை அறிவித்தது, இறுதிச் சடங்குகள் பின்னர் அறிவிக்கப்படும்.
இதற்கிடையில், தாக்குதலில் கொல்லப்பட்ட கியூப பாதுகாப்புப் படையினருக்கு கியூப அதிபர் மிகுவல் டயஸ்-கேனல் அஞ்சலி செலுத்தினார்.
“அவர்கள் தங்கள் தேசியக் கடமைகளைப் பாதுகாக்கும் போது இறந்தனர்.
“கியூப மக்களின், குறிப்பாக இறந்தவர்களின் குடும்பங்களின் சோகத்தையும் கோபத்தையும் நான் பகிர்ந்து கொள்கிறேன்” என்று அவர் எக்ஸ் தளத்தில் ஒரு பதிவில் கூறினார்.
இதற்கிடையில், அமெரிக்க தாக்குதலில் இராணுவ வீரர்கள், பொதுமக்கள் மற்றும் ஜனாதிபதி பாதுகாப்புப் படையினரின் பெரும் பகுதியினர் கொல்லப்பட்டதாக வெனிசுலா பாதுகாப்பு அமைச்சர் ஜெனரல் விளாடிமிர் பட்ரினோ தெரிவித்தார்.
